«Уяві сабе: у цябе велізарная рваная рана…» Былы палітвязень Сяргей Гунь – пра аднаўленне псіхікі, неабходнасць пазітыву і саксафон сваёй мары

Стоячы аднойчы пад пякельным сонцам на пляцу зонаўскай «лакалкі», гэты чалавек даў сабе слова: «Калі выжыву, вярнуся да сваёй любові – да саксафону». Выжыў, хоць за некалькі месяцаў да вызвалення з калоніі другі раз ускрыў сабе жылы ў ШІЗА. Не з адчаю і слабасці, а каб дапамагчы іншым. Сёння былому палітвязню Сяргею Гуню можам дапамагчы ўсе мы. І не толькі ў аднаўленні здароўя, а і ў ажыццяўленні ягонай мары аб саксафоне і новым «месцы сілы» – з яйкамі ўсіх колераў вясёлкі.