Чыноўнікі адказалі жыхару Віцебску на просьбу забараніць канцэрты Віктара Каліны


Сяргей Сясіцкі з Віцебску звярнуўся да абласных уладаў з просьбай не выдаваць гастрольнага пасведчання выканаўцы шансону Віктару Каліне.

Інфармацыя пра гастролі па Віцебшчыне была апублікаваная на сайце спевака, напісаў Сяргей Сясіцкі ў «Фэйсбуку».

У сваім звароце да ўладаў Сяргей Сясіцкі нагадаў, што згодна з беларускім заканадаўствам, забараняюцца імпрэзы, якія маюць сваёй мэтай прапаганду вайны ці экстрэмісцкай дзейнасці, прадстаўляюць пагрозу для нацыянальнай бяспекі. Таксама ён зазначыў, што Віктар Каліна ў «Фэйсбуку» называе нашую краіну «беларашкай».
У адказе чыноўнікаў гаворыцца, што па стане на 23 студзеня аблвыканкам не атрымліваў заяўкі Віктара Каліны на выдачу гастрольнага пасведчання. А таму спеваку забаранілі рэкламаваць свае канцэрты, пакуль не будзе выдадзенае гэтае пасведчанне.

https://www.youtube.com/watch?v=sb44ZvpDRLY

Відэасюжэт «Белсату» пра сімпатыі Каліны да «русского мира»

Сяргей Сясіцкі заклікае накіраваць такія ж звароты з патрабаваннем не выдаваць дазволу на выступы ў іншыя аблвыканкамы і сачыць за сайтам Віктара Каліны. Калі канцэрты адбудуцца, то значыць, улады выдалі на тое дазвол.

У снежні 2014 года Віктар Каліна выступаў у захопленым сепаратыстамі Данецку. Пасля канцэрту абвесціў, што хацеў бы жыць у «рускім свеце».

Адказ з Віцебскага аблвыканкаму

Чытайце таксама:

НМ, belsat.eu

Глядзі таксама
Каментары