Упершыню за паўстагоддзя Volvo – не самае прадаванае аўта ў Швецыі


Упершыню ад 1962-га Volvo – не нумар 1.

Шведская марка саступіла першае месца па продажам нямецкаму Volkswagen.

Аўтамабілі Volvo ў 2016 годзе перасталі быць самымі прадаванымі ў Швецыі ўпершыню з 1962 года.

«Лідарам рынку ў мінулым годзе стаў Volkswagen Golf», – падае «Інтэрфакс» са спасылкаю на асацыяцыю «BIL Sweden».

У цэлым продажу новых аўтамабіляў у Швецыі дасягнулі летась рэкорднага ўзроўню – 372 тыс. 296 машын, прырост на 7,8 % у параўнанні з 2015 годам.

«Рост новых рэгістрацыяў бесперапынна працягваецца ўжо 36 месяцаў запар», – адзначыў кіраўнік BIL Sweden Бэртыль Молдэн.

Асацыяцыя тлумачыць павелічэнне продажаў моцнымі макраэканамічнымі паказнікамі, паляпшэннем сітуацыі на рынку працы, нізкімі працэнтнымі стаўкамі і ростам рынку прыватнага лізінгу.

У 2017 годзе BIL Sweden прагназуе зніжэнне продажаў легкавых аўтамабіляў да 360 тыс. І слабы рост аб’ёмаў рэалізацыі лёгкіх грузавікоў – з 51,7 тыс. да 52 тыс.

У 2016 годзе 5,9 % шведаў абіралі аўтамабілі Volkswagen Golf, у той час як доля продажаў Volvo трох розных мадэляў склала 5,7 %.

Шведы выбіраюць «немца»

Апошні раз падобнае адбылося ў 1962-м, калі Volvo саступіла першае месца ў рэйтынгу продажаў аўтамабілю Volkswagen Beetle.

Нягледзячы на ​​тое, што Volvo цяпер належыць кітайскай кампаніі «Zhejiang Geely Holding Group», марка дагэтуль лічыцца шведскім брэндам.

Сёння больш за 20 % машын на дарогах Швецыі – усцяж Volvo. Доля Volkswagen, другой па папулярнасці маркі, – 15,7 %.

Глядзі таксама
Каментары