У Кіеве ўзнагародзілі беларусаў, якія памерлі за Украіну


Сёння ў будынку Кіеўскай гарадской дзяржаўнай адміністрацыі нагрудным знакам «Герой-кіяўлянін» узнагародзілі жыхароў Кіева, якія загінулі на Майдане і ў зоне баявых дзеянняў на Данбасе. Узнагароды пасмяротна атрымалі таксама трое беларусаў.

Узнагарода «Герой-кіяўлянін» – грамадская ініцыятыва, якая рэалізуецца пры падтрымцы »Звязу ветэранаў АТО« і »Украінскай асацыяцыі ветэранаў АТО».

Аліна Фартуна піша, што сярод узнагароджаных – грамадзяне Беларусі Міхаіл Жызнеўскі і Алесь Чаркашын па мянушцы Тарас. Па ўзнагароды прыехалі іх сваякі.

Таксама ўзнагароду далі Віталю Ціліжэнку па мянушцы Кекс.

«Кажуць, што Героі не паміраюць. Не, яны паміраюць. Яны першымі ідуць на барыкады, у бой. Героі паміраюць, а мы павінны памятаць іх – заявіла падчас цырымоніі беларуская валанцёрка Вольга Гальчанка.

ДД; фота: Аліна Фартуна

Глядзі таксама
Каментары