Мікрааўтобус УАЗ пратараніў уваход у кінатэатр «Космас» у расейскім Екацярынбургу.
Інцыдэнт адбыўся калі 6 раніцы 4 верасня (4 раніцы паводле менскага часу).
Як паведамляе выданне «E1», унутры мікрааўтобуса была бочка «з нявызначанай вадкасцю» і тры газавых балоны. На відэазапісе з камераў назірання бачна, што кіроўца УАЗ сам падпаліў аўта пасля сутыкнення.
Плошча пажару склала каля 30 квадратных метраў, у цяперашні час узгаранне ліквідаванае.
Расейскія праваахоўнікі затрымалі мужчыну, які, імаверна, пратараніў на аўце будынак кінаканцэртнага тэатру «Космас», паведамляе прэс-служба следчага ўпраўлення Следчага камітэту РФ па Свярдлоўскай вобласці.
Падазраваны – 39-гадовы жыхар гораду Ірбіт. Мужчына стаіць на ўліку ў псіхіятра. У выніку выбуху ён атрымаў шырокія апёкі, таму яго даставілі ў адну з гарадскіх больніц.
Следчы камітэт РФ распачаў крымінальную справу па факце наўмыснага пашкоджання маёмасці, здзейсненага шляхам падпалу.
Глядзіце таксама:
НМ, belsat.eu