На цэнтральнай вуліцы Берасця Маскоўскай з’явіўся рэкламны шчыт з вітаннем патрыярха Маскоўскага і ўсея Русі Кірыла. На ім напісана: «Берасцейшчына вітае патрыярха Маскоўскага і ўсея Русі Кірыла». Падобным чынам у Берасці пакуль нікога не сустракалі.
Цікава, што адзін з білбордаў, вітаючы лідара праваслаўнай царквы, ўсталяваны побач з казіно. Пры гэтым не ўсе берасцейцы радыя бачыць у горадзе маскоўскага патрыярха.
Нагадаем, што ў Беларусі патрыярх Кірыл будзе знаходзіцца з візітам 20 – 22 чэрвеня ў сувязі са святкаваннем тысячагоддзя з дня прадстаўлення святога і роўнаапостальнага князя Уладзіміра.
У рамках візіту патрыярх прыбудзе 22 чэрвеня ў Берасце, дзе ў Берасцейскай крэпасці пройдуць мерапрыемствы, прымеркаваныя да пачатку Вялікай Айчыннай вайны.
С.А. belsat.eu