У 2080 годзе знікне кава


Эксперты Кліматычнага інстытуту Аўстраліі назвалі дату смерці плантацыяў кавы на Зямлі, піша «The Independent».

Да 2050 года навукоўцы чакаюць двухразовага скарачэння колькасці плантацыяў, на якіх вырошчваецца кававае дрэва. У 2080 годзе гэтыя расліны, як мяркуюць спецыялісты, цалкам знікнуць з твару Зямлі.

Адбудзецца гэта праз глабальнае пацяпленне, якое прывядзе да распаўсюджвання паразітаў і грыбковых захворванняў, небяспечных для кававага дрэва.

Навукоўцы адзначаюць, што «смерць кавы» адбудзецца ў выпадку, калі захаваюцца сучасныя тэмпы глабальнага пацяплення, і спецыялісты не змогуць знайсці эфектыўныя метады барацьбы з паразітамі ды грыбковымі захворваннямі.

Фота: independent.co.uk

ЮВ, belsat.eu, паводле independent.co.uk

Глядзі таксама
Каментары