Публічнае абʼява Уладзіміра Пуціна аб сваёй згодзе балатавацца на чарговы прэзідэнцкі тэрмін запланавана на лістапад, паведамляе газета «Коммерсант» са спасылкай на ўласную крыніцу ў адміністрацыі прэзідэнта РФ.
Згодна з планамі Крамля, вылучэнне Пуціна ў прэзідэнты пройдзе ў два этапы.
На першым этапе, у лістападзе, Пуцін дасць прынцыповую згоду на тое, каб вылучыць сваю кандыдатуру на новы тэрмін.
«Немагчыма да снежня цягнуць з гэтым пытаннем, інакш будзе ўспрымацца ненатуральна», – растлумачыў суразмоўца выдання.
Паводле яго слоў, фармат падзеі павінен чымсьці нагадваць «прамую лінію прэзідэнта»: кантакты з грамадзянамі, якія сфармулююць просьбу аб вылучэнні, якасная тэлевізійная карцінка.
Восенню плануецца правесці адразу некалькі мерапрыемстваў з удзелам Пуціна. У прыватнасці адкрыццё помніка ахвярам палітычных рэпрэсій на праспекце Сахарава ў Маскве.
Другі этап прадугледжвае юрыдычнае вылучэнне Пуціна як самавылучэнца са зборам подпісаў у падтрымку кандыдата ў самыя познія тэрміны, каб афіцыйная выбарчая кампанія апынулася максімальна сціснутай.
Сам жа дзень прэзідэнцкіх выбараў можа быць перанесены на дату падпісання так званай «дамовы аб далучэнні Крыма» – 18 сакавіка.
KA,belsat.eu