[vc_row][vc_column][vc_raw_html]JTNDaWZyYW1lJTIwd2lkdGglM0QlMjI1NjAlMjIlMjBoZWlnaHQlM0QlMjIzMTUlMjIlMjBzcmMlM0QlMjJodHRwcyUzQSUyRiUyRnd3dy55b3V0dWJlLmNvbSUyRmVtYmVkJTJGdmdzM0RJeS1OREElMjIlMjBmcmFtZWJvcmRlciUzRCUyMjAlMjIlMjBhbGxvd2Z1bGxzY3JlZW4lM0UlM0MlMkZpZnJhbWUlM0U=[/vc_raw_html][vc_column_text]Маці дзяцей-інвалідаў са Светлагорску вось ужо некалькі гадоў змагаюцца за ўсталяванне пад’ёмнікаў ці хаця б пандусаў у сваіх шматкватэрных дамах. Кожны шпацыр на вуліцы для гэтых жанчын – выпрабаванне. Гэтак, Людміла з сынам жывуць на 9-м паверсе, а ліфт на 8-ым.
Чым старэйшыя дзеці, тым складанейшая для бацькоў праблема выхаду на вуліцу.
«У мяне вось дзіця дарослае, падняць я яе з вазком разам па прыступках не магу, і практычна мы зачыненыя ў кватэры» — прызнаецца маці 23-гадовай дзяўчыны, хворай на ДЦП.
Жанчыны звярталіся ў розныя інстанцыі, нават у адміністрацыю кіраўніка краіны, у адказ — адпіскі або нараканні чыноўнікаў на адсутнасць грошай. Ці не менш вартая парада: шукаць фінансавання самастойна.
«Грошай няма. Яны кажуць: шукайце спонсараў. А пад’ёмнік каштуе, як сёння абвесцілі нам, 60–100 мільёнаў» — распавядае спадарыня Людміла.
Адзінае, на што ў большасці выпадкаў хапае грошай, — абсталяваць выезд на вуліцу: але гэта скат, а не пандус, карыстацца ім таксама нялёгка, апроч таго, асноўнай праблемы гэта не вырашае.
«Асноўная праблема для нас — праблема пераадолення вось гэтых 7 прыступак, прычым верхняя прыступка вельмі высокая. У ДБК, калі здавалі дом, абяцалі гэта выправіць, але выніку ніякага няма» — кажа Марына Ядчанка.
Ледзьве не згаслы прамень надзеі
Не вядома, колькі б доўжылася гэта гісторыя, калі б раптам не атрымала нечаканы працяг. Жанчыны трапілі на прыём да старшыні Светлагорскага райвыканкаму, які нібыта раней не ведаў аб праблеме, і традыцыйна паабяцаў сітуацыю выправіць.
«Калі шчыра, былі вельмі здзіўленыя, бо ён паставіўся станоўча да нас, выслухаў. Цягам месяца абяцаў зрабіць пад’ёмнік» — кажуць у адзін голас жанчыны.
Цяпер застаецца толькі спадзявацца, што з гэтай зменай, акрамя фармальнага спачування, дзеці атрымаюць рэальную магчымасць гуляць на вуліцы без перашкодаў.
Алена Шпак[vc_row][vc_column][/vc_column][/vc_row][vc_row][vc_column][vc_raw_html]PHA+SSBhbSByYXcgaHRtbCBibG9jay48YnIvPkNsaWNrIGVkaXQgYnV0dG9uIHRvIGNoYW5nZSB0aGlzIGh0bWw8L3A+[/vc_raw_html][/vc_column][/vc_row]
