Украінская выведка мае звесткі пра новыя падмацаванні для тэрарыстаў з боку Расеі. У Радзе нацыянальнай бяспекі і абароны Украіны паведамляюць пра калону з 32 танкаў, 16 гаўбіц і 30 камазаў з жаўнерамі і боепрыпасамі.
«З боку Расейскай Федэрацыі не спыняецца пераброска ў зону АТО вайсковай тэхнікі і жывой сілы. У прыватнасці, учора з тэрыторыі Расеі ў кірунку паселішча Красный Луч, што на Луганшчыне зафіксаванае перамяшчэнне вайсковай тэхнікі, – заявіў падчас брыфінгу прадстаўнік РНБА Андрэй Лысенка.
Ён таксама паведаміў, што за мінулыя содні ў зоне АТА загінулі 5 украінскіх жаўнераў, яшчэ 16 параненыя.
Рада нацыянальнай бяспекі паведамляе пра тое, што асобныя часткі вайскова-транспартнай авіяцыі ў Падмаскоўі ды на Разаншчыне прыведзеныя ў стан баявой гатовасці. «Гэта прадугледжвае магчымасць аператыўнай дастаўкі самалётамі Іл-76 дадатковых падраздзяленняў ім вайсковай тэхнікі да мяжы з Украінаю», – гаворыцца ў заяве РНБА.
МЛ, belsat.eu
