Раніцай 10 чэрвеня ў цэнтры Берасця з’явіўся прынт супраць будаўніцтва акумулятарнага заводу.
Нагадаем, што змаганне за права жыць і дыхаць свежым паветрам вядзецца ўжо 6 мясяцаў. Пакуль не дапамаглі спыніць будаўніцтва патэнцыйна шкоднага акумулятарнага заводу са свінцовымі выкідамі ані 40 тысяч подпісаў берасцейцаў у адміністрацыю Лукашэнкі, ані шматразовыя сустрэчы з уладамі, ані акцыі пратэсту, ані нават суды.
Адказ уладаў заўжды аднолькавы: уздзеянне прадпрыемства на навакольнае асяроддзе будзе нязначным. А адзін з галоўных аргументаў чыноўнікаў – 180 працоўных месцаў ды $ 4,5 млн паступленняў у бюджэт у год.
Напрыканцы траўня стала вядома, што ў Свабоднай эканамічнай зоне «Менск» зарэгістравалі новага рэзідэнта – таварыства з абмежаванай адказнасцю «АртСтылІнвест». Прадпрыемства зоймецца вытворчасцю прамысловых акумулятарных батарэяў і зарадных прыладаў.
ЦЛ, belsat.eu
