Прэзідэнта Малдовы часова адхілілі ад пасады


Рашэнне аб адхіленні Ігара Дадона прыняў сёння Канстытуцыйны суд на запыт дэпутатаў ад Дэмакратычнай партыі.

Ад Дадона патрабуюць, каб ён падпісаў указ аб прызначэнні міністра аховы здароўя, сацыяльнай абароны і сям’і, а таксама міністра сельскай гаспадаркі, рэгіянальнага развіцця і аховы навакольнага асяроддзя.

Прэзідэнт Малдовы ўжо другі раз адмовіўся прызначыць кандыдатаў на гэтыя пасады, які прапанаваў прэмʼер-міністр.

Згодна з заканадаўствам прэзідэнт мае права адхіліць кандыдатуры, прапанаваныя прэмʼер-міністрам, але толькі адзін раз. Пры паўторным вылучэнні тых жа кандыдатаў ён абавязаны падпісаць указ аб прызначэнні.

Ігар Дадон гэтага не зрабіў і ягоны паўнамоцтвы перайшлі да старшыні парламента, які можа падпісаць указы замест прэзідэнта.

Раней Канстытуцыйны суд Малдовы ўжо прыпыняў ягоныя паўнамоцтвы. У кастрычніку летась Дадон двойчы адхіліў прапанаваныя кіраўніком урада кандыдатуры міністраў і віцэ-прэм’ераў.

Ігар Дадон вядомы сваймі пракрамлёўскімі поглядамі. Падчас сустрэчы з Лукашэнкам ён заявіў, што ўнутрыпалітычная барацьба на ягонай радзіме замінае яму збудаваць гэткую форму кіравання, як у Беларусі.

ДР belsat.eu

Глядзі таксама
Каментары