Мінула свята, якое інтэрнэт-супольнасць ужо паспела назваць зусім не па-святочнаму: «Днём Болю». Сапраўды, вынікамі святкавання 99 гадавіны абвяшчэння Беларускай Народнай Рэспублікі сталі ўстрашальны парад і масавыя затрыманні.
Каля 100 чалавек, па дадзеных праваабаронцаў, застаюцца за кратамі пасля свята Волі, як бы парадаксальна гэта ні гучала. Іх чакаюць заўтра суды і содні арышту ці спагнанні.
Мы спыталіся ў мінакоў у Менску і Магілёве, ці «спадабалася» ім «жалезнае шоу», якое зладзілі ўчора ўлады. Ці напужаліся людзі?
Некалькі чалавек успомнілі пра паэта Яна Грыба, якога гвалтоўна ўсадзілі ў аўтазак, ці то палічыўшы яго зачыншчыкам, ці то проста дзядок выглядаў маладзейшым за пенсіянера. Тым больш, што карыстаючыся выпадкам спадар Грыб усё ж такі ўцёк ад дзецюкоў у чорным.
Воля Д, belsat.eu