Макей патлумачыў, што перашкаджае спрашчэнню візавага рэжыму паміж Беларуссю і ЕЗ


Кіраўнік беларускага МЗС кажа, што ў справе спрашчэння візавага рэжыму ёсць шэраг тэхнічны момантаў, якія патрабуюць даўзгаднення.

Пры гэтым Уладзімір Макей адзначыў, што па гэтых пытаннях вядзецца праца.

Гаворка ідзе пра два пагадненні: непасрэдна аб спрашчэнні візавага рэжыму і аб рэадмісіі (згоды дзяржавы на прыём назад сваіх грамадзянаў, дэпартаваных на радзіму).

«На гэтым этапе нашыя еўрапейскія партнёры, на жаль, прапаноўваюць занесці ў гэтыя пагадненні моманты, якія для нас непрымальныя і ў пэўнай ступені палітызуюць іх», – распавёў кіраўнік беларускага вонкавапалітычнага ведамства.

Уладзімір Макей звярнуў увагу на тое, што ў дакументы з іншымі краінамі, напрыклад, Малдовай, Расеяй, Украінай, гэтыя моманты ўнесеныя не былі.

«Трэба прытрымлівацца адзіных стандартаў і не спрабаваць палітызаваць сітуацыю, як гэта робіцца цяпер», – адзначыў міністр.

Чытайце таксама:

НМ, belsat.eu, паводле БелТА

Глядзі таксама
Каментары