Кіраўнік брытанскага МЗС: новыя санкцыі супраць Расеі трэба ўвесці як мага хутчэй

Wideo

Міністр замежных справаў Вялікай Брытаніі Джэрэмі Гант паабяцаў дамагацца ад ЕЗ, каб той як мага хутчэй увёў новыя санкцыі супраць Расеі за спробу атруціць Сяргея і Юліі Скрыпалёў.

Адпаведная заява прагучала ў аўторак у брытанскім парламенце. Джэрэмі Гант нагадаў, што ЗША арыенціровачна ў лістападзе абяцаюць увесці супраць Расеі новыя санкцыі ў якасці пакарання за ўжыванне хімічнай зброі, і Еўропа мусіць паследаваць іх прыкладу.

«Я лічу, што пытанне санкцыяў у бліжэйшыя месяцы стане яшчэ больш важным, таму што ЗША заявілі, што ўвядуць санкцыі за Солсберы, і яны выразна кажуць, што з боку Еўропы было б непрыстойна не паследаваць гэтаму прыкладу, улічваючы, што гэтая акцыя здзейсненая на еўрапейскай зямлі», – заявіў Гант.

Тым часам амерыканскі прэзідэнт Доналд Трамп у «Twitter» перасцярог Расею і Іран ад магчымага ўдзелу ў наступе на Ідліб, які з’яўляецца апошнім буйным аплотам сірыйскай апазіцыі. Пра тое, ці магчымае ў святле такіх заяваў абвастрэнне ў Сірыі, глядзіце ў нашым сюжэце:

НМ, belsat.eu, паводле BBC

Глядзі таксама
Каментары