Кароль Іспаніі абвінаваціў улады Каталунні ў безадказнасці


Барсэлона. 3 кастрычніка 2017 года. Фота – Кацярына Андрэева

Кароль Іспаніі Філіп VI назваў безадказным і небяспечным паводзіны ўладаў Каталунні, дзе 1 кастрычніка прайшоў рэферэндум аб незалежнасці, які суправаджаўся сутычкамі яго ўдзельнікаў з паліцыянтамі.

Па словах караля, безадказнае паводзіны каталонскіх уладаў могуць паставіць пад пагрозу эканамічную стабільнасць Іспаніі. У тэлевізійным звароце да народа кароль заявіў, што ў Іспаніі склалася надзвычай сурʼёзная сітуацыя і заклікаў да адзінства.

Акрамя таго, ён настойвае на тым, што рэферэндум у Каталунні быў супрацьзаконным і яго правядзенне сведчыць аб недапушчальным недахопе вернасці Іспаніі ў кіраўнікоў рэгіёну.

У аўторак прафсаюзы абʼявілі аб правядзенні ў Каталунні ўсеагульнай забастоўкі, пратэстоўцы блакавалі асноўныя дарогі ў Каталунні. У Барсэлоне людзі выйшлі на вуліцы, каб выказаць нязгоды з дзеяннямі ўладаў у Мадрыдзе.

Каталонцы выйшлі на страйк супраць жорсткіх мер паліцыі (СТРЫМ)

ІІ, belsat.eu; паводле Бі-бі-сі

Глядзі таксама
Каментары