Юрыст, аўтар ініцыятывы «Справаводства па-беларуску» Ігар Случак назваў самы беларускамоўны спартовы клуб мінулага года.
Ім стаў гандбольны клуб «Віцязь».
У прамежкавым рэйтынгу, які Ігар Случак размясціў на блогу «Мова Спартова», гандбольны клуб з Менску набраў 184 пункты з 300 магчымых.
На другім месцы – ФК «Крумкачы» з Менску (167), на трэцім – ФК «Белшына» з Бабруйску (86). Футбольны чэмпіён краіны барысаўскі БАТЭ – на пятай пазіцыі (43).
Крытэры, паводле якіх складаўся рэйтынг:
1. Эмблема па-беларуску – максімум 20 пунктаў.
2. Форма з прозвішчамі па-беларуску – макс. 30 п.
3. Беларускамоўны дыктар – макс. 30 п.
4. Беларускамоўнае табло – макс – 20 п.
5. Беларускамоўная версія сайта – макс. 40 п.
6. Старонкі ў сацыяльных сетках па-беларуску – макс 60 п.:
а) «Facebook» – макс. 10 п.
б) «Вконтакте» – макс 10 п.
в) «Twitter» – макс 10 п.
г) «Youtube» – макс. 10 п.
д) «Instagram» – макс. 10 п.
е) «Одноклассники» – макс. 10 п.
7. Афішы па-беларуску – макс. 30 п.
8. Праграмкі да гульняў па-беларуску – макс. 30 п.
9. Прэс-канферэнцыі па-беларуску – макс. 20 п.
10. Іншае выкарыстанне беларускай мовы – макс. 20 п.
На дадзены момант рэйтынг налічвае 120 клубаў, але Ігар Случак абяцае ў хуткім часе дапрацаваць спіс, і тады ў ім будзе 150 беларускіх клубаў.
Глядзіце таксама:
НМ, belsat.eu, фотаздымак са старонкі ў «Вконтакте» ГК «Віцязь»
