Берасцейскія памежнікі затрымалі расейца, які квадракоптарам здымаў ля мяжы захад сонца
15.03.201817:15
Увечары 14 сакавіка ля вёскі Страдзеч Берасцейскага раёну мясцовыя жыхары распавялі памежнікам пра мужчыну, які запускаў квадракоптар, паведамляе сайт Дзяржаўнага памежнага камітэту.
Высветлілася, што квадракоптар належаў 36-гадоваму грамадзяніну Расею, які транзітам праз Беларусь накіроўваўся ў Грузію. Знаходзячыся ў памежнай зоне, ён зрабіў некалькі фотаздымкаў беларускіх краявідаў з дапамогай квадракоптараў.
За ўжыванне лятальнага апарату ў памежнай зоне без паведамлення памежнікам мужчыну прыцягнулі да адказнасці паводле ч.1 арт. 23.30 Кодэксу аб адміністрацыйных правапарушэннях. Санкцыя артыкулу прадугледжвае папярэджанне з дэпартацыяй або без яе і да 50 базавых велічыняў штрафу (1225 рублёў).
НМ, belsat.eu
