Канцлер падкрэсліла, што працягне падтрымліваць рэгулярныя кантакты з прэзідэнтам Расеі Уладзімерам Пуціным, каб захаваць магчымасць для дыялогу. Разам з тым, Мэркель прызнала, што на дадзены момант у Расіі і Нямеччыны ёсць «сур’ёзныя» разыходжанні ў меркаваннях адносна канфлікту на Данбасе.
Адносна санкцый Меркель выказала «цвёрдае перакананне», што яны з’яўляюцца тым сродкам ціску, які даводзіцца выкарыстоўваць як альтэрнатыву ваеннаму умяшальніцтву.
На пасяджэнні фракцыі ХДС/ХСС у Берліне Мэркель назвала новыя санкцыі ЕЗ (увядзенне санкцый адклалі – на іх увядзенне пагадзіліся не ўсе краіны Еўразвязу – belsat.eu) у дачыненні да Расеі неабходным крокам, нягледзячы на дамоўленасць аб спыненні агню на ўсходзе Украіны.
Расея, ужо не раз падманвала Захад, – заўважыла Мэркель. Больш за тое, канцлер Нямеччыны адкрыта заявіла, што Масква даўно планавала дэстабілізацыю ўва Украіне. Нагадаем, што раней Ангела Мэркель заяўляла, што мае намер працягваць палітыку ціску ў дачыненні да Расеі, нягледзячы на магчымыя негатыўныя наступствы для Нямеччыны. Пазней яна дадала, што калі перамір’е не будзе парушацца, то санкцыі супраць Масквы могуць быць прыпыненыя.
ЮВ, паводле «Deutsche Welle»