У цэнтры Масквы прагулі гоначныя аўты – прайшло яскравае шоу “Формулы-1”.
У мінулыя выходныя цэнтр Масквы быў аддадзены ва ўладу вуркатлівых матораў і шалёных хуткасцяў. У сталіцу Расеі ўжо пяты год запар прыязджае “Формула-1”, пад эгідаю якой прайшлі паказальныя заезды гоначных балідаў.
Сёлетняя імпрэза прыцягнула шмат якіх знакамітасцяў – такіх, як Джанкарлё Фізікелля з каманды “Ferrari” і Льюіс Гэмілтан з каманды “Mercedes”.
Спалучэнне хуткасці з майстэрствам кіравання, розныя трукі, спрынтарскія заезды, дрыфт і мёртвыя петлі прыводзілі гледачоў у захапленне і трымалі ў напружаным стане.
Ухвальныя воклічы натоўпу, спалучаныя з гукам заведзеных рухавікоў, выклікалі сярод гледачоў хваляванні за свой слых. Аргкамітэт імпрэзы падрыхтаваў з гэтай нагоды адмысловыя навушнікі, каб кожны ахвочы мог абараніць свае вушы ад шуму.
Падчас імпрэзы на часовых трыбунах было носа не ўбіць. Аўтамабільнае шоу наведалі каля 400 тыс. аўтааматараў і энтузіястаў маторных відаў спорту.
belsat.eu
