Суд Цэнтральнага раёну Менску пакараў тэлеаператара Аляскандра Баразенку 11 днямі адміністрацыйнага арышту. Актывіста “Еўрапейскай Беларусі” Мікіту Каваленку арыштавалі на 15 дзён. Абодвух суд прызнаў вінаватымі ў парушэнні парадку арганізацыі або правядзення масавага мерапрыемства або пікетавання.
Учора незалежнага журналіста затрымалі падчас выканання працоўных абавязкаў. Ён здымаў адзіночны пікет салідарнасці з палітвязнямі ля будынку КДБ у Менску, што ладзіў сябра грамадзянскай кампаніі “Еўрапейская Беларусь” Мікіта Каваленка. Актывіст разгарнуў партрэты палітзняволеных і бел-чырвона-белы сцяг, але праз некалькі хвілінаў яго затрымалі людзі, якія выбеглі з будынку. Арыштавалі таксама журналіста.
Затрыманых даставілі спачатку ў КДБ, затым – ва УУС Цэнтральнага раёну. Мінулую ноч яны правялі ў Цэнтры ізаляцыі правапарушальнікаў на вуліцы Акрэсціна.
belsat.eu