У Калядны час галерэя “Ў” запрашае самых маленькіх наведнікаў.
Падтрымаць святочную атмасферу дапамагаюць мастакі Антаніна Слабодчыкава і Міхаіл Гулін, у кнігарні “ЛогвінаЎ” пройдуць кніжныя ранішнікi, а таксама рэалізуецца праграма калядных спеваў.
Дзеці ды іхныя бацькі ўдзельнічаюць у майстар-класах, на якіх іх вучаць размалёўваць святочныя аздабленні ды шкарпэткі для цудаў.
“Я сюды выпадкова зайшла, і ў мяне такое радаснае адчуванне, што цяпер уся галерэя належыць дзецям, што гэта свята нашых новых беларусаў. Сваіх дзяцей я буду такім жа чынам выхоўваць і… проста вельмі прыемна гэта бачыць”, – кажа наведніца галерэі Марына Каліноўская.
belsat.eu
