Паліцыя арыштавала пяць актывістаў кааліцыі “Другая Россия”, якія збіраліся перадаць губернатару гораду Георгію Палтаўчанку ўльтыматум, прыняты на мітынгу.
Перад будынкам мэрыі актывістка Настасся Куртадзева зачытала спіс патрабаванняў да ўладаў: “Вызваліць усіх палітвязняў, прызнаць выбары 4 снежня 2011 г. несапраўднымі і правесці новыя выбары ў Дзяржаўную думу. Мы выстаўляем ультыматум менавіта сёння, і сёння ж чакаем на адказ, бо гэтая справа гарадской важнасці: калі ўлада ўвесь час маўчыць, значыць, яна плюе на тысячы людзей”.
Аднак АМАП і паліцыя заблакавалі ўваход у будынак. Калі ж апазіцыянеры, выкрыкваючы “Мы патрабуем распусціць ЗАКС (заканадаўчы сход гораду)”, паспрабавалі прайсці ў адміністрацыю, паліцыя арыштавала ініцыятараў пратэсту.
Сёння, 24 снежня, па ўсёй Расеі прайшла хваля мітынгаў супраць фальсіфікацыяў парламенцкіх выбараў 4 снежня. У Маскве, дзе на праспекце Сахарава паводле розных ацэнак сабраліся ад 30 да 100 тысячаў чалавек, былі паўтораныя патрабаванні 10 снежня: новыя выбары, рэгістрацыя апазіцыйных партыяў, адстаўка старшыні ЦВК Уладзіміра Чурава.
belsat.eu
