Два тыдні таму пра затрыманне генеральнага дырэктара ОАО «Бярозаўскі мясакансервавы камбінат» Уладзіміра Жуковіча паведаміла выданне «Наша Ніва». Цяпер дзяржаўны тэлеканал ОНТ пацвердзіў факт затрымання і распавёў некаторыя дэталі.
Уладзіміра Жуковіча абвінавачваюць у атрыманні хабару (артыкул 430 КК). Як паведамляецца ў сюжэце АНТ, у прыдарожным кафэ «Ампір» бізнесовец Сяргей Орлікаў перадаў Жуковічу 22 тысячы рублёў за заключэнне дагавораў з кампаніяй «Міттрэйд-інвест» на пастаўку харчовых дабавак для камбіната. Пасля гэтага генеральнага дырэктара камбінату затрымаў ГУБАЗіК.
Сцвярджаецца, што Орлікаў перадаваў Жуковічу з 2015 года не менш як 7 тысяч рублёў раз у квартал.
Уладзімір Жуковіч быў дэлегатам Усебеларускага народнага сходу 2021 году, ён узначальваў камбінат шмат гадоў.
Глеб Нержын belsat.eu