Пацверджаная колькасць закладнікаў, якія ўтрымліваюцца ў сектары Газа, паводле апошніх звестак, складае не менш за 229 чалавек, паведаміў афіцыйны прадстаўнік Арміі абароны Ізраілю (Цагаль) Даніель Гагары.
«Пацвярджэнне інфармацыі звязана са з’яўленнем разведаных, якая праводзіцца ваеннымі аператыўнай дзейнасцю, частка якой таксама звязана з пошукам замежных грамадзянаў, якія знаходзяцца за межамі Ізраілю», – паведаміў Даніель Гагары.
Паводле ягоных словаў, ваенныя «валодаюць інфармацыяй аб 229 закладніках, якія ўтрымліваюцца ў сектары Газа, сем’і выкрадзеных праінфармаваныя». Раней ізраільская армія паведамляла аб 222 закладніках, учора паведамлялася аб 224 закладніках.
На 27 кастрычніка вядома аб чатырох вызваленых закладніках з сектару Газа.
Нагадаем, тэрарыстычная групоўка «Хамас» 20 кастрычніка вызваліла двух амерыканскіх закладнікаў – 59-гадовую Джудыт Раанан і ейную 17-гадовую дачку Наталі Раанан. Яны былі вызваленыя амаль праз два тыдні палону. Маці з дачкой жывуць у Чыкага, а ў дзень атакі на Ізраіль з боку баевікоў яны знаходзіліся ў гасцях у сваякоў у мясцовасці на поўдні Ізраілю.
Пазней, 24 кастрычніка, баевікі вызваліла яшчэ двух закладніц – гэта грамадзянкі Ізраілю 79-гадовая Нурыт Купэр і 85-гадовая Ёхэвэд Ліфшыц. Іх вызвалілі «па гуманітарных прычынах» пры пасярэдніцтве Егіпта і Катара і перадалі Чырвонаму Крыжу. Жанчын ўжо вярнулі на радзіму праз Егіпет, дзе змясцілі ў лякарню Тэль-Авіва. Яны былі захопленыя ў палон разам са сваімі мужамі, якія застаюцца ў Газе.
Пасля іх вызвалення прэм’ер-міністр Ізраілю Бэньямін Нэтаньягу заявіў, што ягоная краіна працягне працаваць над вяртаннем усіх закладнікаў.
Раней ізраільскі партал i24news паведамляў, што баевікі «Хамасу» збіраюцца перадаць 50 закладнікаў-іншаземцаў Чырвонаму Крыжу. Па дадзеных выдання, перамовы аб вызваленні закладнікаў пры пасярэдніцтве Катара ідуць да завяршэння, самі ўлады Ізраілю афіцыйна не былі бокам перамоваў аб вызваленні закладнікаў з падвойным грамадзянствам. Перадача павінна адбыцца ў горадзе Хан-Юніс на поўдні сектара Газа. У сувязі з гэтым Армія абароны Ізраілю прыпыніла бамбардзіроўкі анклава для перадачы палонных.
Алена Рувіна belsat.eu