Беларускія яблыкі даражэйшыя за польскія, бо ў Еўразвязе дэмпінгуюць. Пра гэта заявіў міністр антыманапольнага рэгулявання і гандлю Беларусі Аляксей Багданаў у эфіры тэлеканалу СТВ.
«Толькі пачатак сезону, гэта першыя ўраджаі», – растлумачыў Багданаў, чаму беларускія яблыкі каштуюць больш, чым яблыкі з Польшчы.
У Польшчы ж, паводле яго, «датацыі на сельскую гаспадарку» і «ў Еўразвязе, вядома, дэмпінг ёсць».
«Тут канкурэнцыя. І нашым вытворцам неабходна да гэтай цаны падцягвацца», – сказаў міністр.
У «Еўраопце» самыя танныя польскія яблыкі прадаюць па 2,54 рубля за кілаграм, беларускія – па 2,86 за кілаграм. У Польшчы ў сетцы крамаў «Бядронка» яблыкі можна набыць за 2,49 злотага, або 1,34 рубля. Без акцыяў сярэдні кошт яблыкаў складае 3,29 злотага, або 1,77 рубля за кілаграм.
Якуб Хруст belsat.eu
