21 сакавіка ў Вільні трагічна загінуў былы беларускі добраахвотнік Туз, паведамляе клуб «Ліцвіны».
Паліцыя цяпер высвятляе абставіны трагедыі. Імя і прозвішча загінулага не называецца з мэтаў бяспекі.
Радыё «Свабода» піша, што здарэнне пацвярджаюць таксама іншыя крыніцы.
На вайну ва Украіну «Туз» прыехаў яшчэ ў сакавіку 2022 года. Ён браў удзел у баявых дзеяннях на поўдні Украіны ў складзе беларускага батальёна «Тэрор». У канцы 2022-га звольніўся са службы. У верасні 2023 года вярнуўся на фронт, ваяваў у 79-й асобнай дэсантна-штурмавой брыгадзе.
Паводле інфармацыі «Нашай Нівы» «Туза»21 сакавіка збіў пад Вільняй цягнік. Малады чалавек ішоў па рэйках. Беларусу было 33 гады.
Марыя Міхалевіч belsat.eu