«Расея зробіць усё»: Пуцін падвёў вынік размовы з Парашэнкам


Прэзідэнт Расеі зрабіў выгляд, што дыялог Кіева з тэрарыстамі на Данбасе – гэта «ўнутраная справа Украіны».

Пасля сустрэчы з Пятром Парашэнка Уладзімір Пуцін заявіў, што Расея і Украіна дамовіліся аб больш хуткім аднаўленні працы кантактнай групы па ўрэгуляванні крызісу ва Украіне. Пры гэтым Пуцін дадаў, што пазітыўна ацэньвае вынікі перамоваў з украінскім прэзідэнтам.

{movie}«Расея зробіць усё»: Пуцін падвёў вынік размовы з Парашэнкам |right|18104{/movie}

Пуцін заявіў, што на сустрэчы не абмяркоўваліся ўмовы спынення агню: «Мы прадметна не казалі на гэты конт. Шчыра кажучы, мы не можам казаць пра нейкія ўмовы спынення агню, аб магчымых дамоўленасцях паміж Кіевам, Данецкам і Луганскам. Гэта не наша справа, гэта ўнутраная справа самой Украіны. Мы можам толькі спрыяць таму, каб стварыць абстаноўку даверу ў ходзе гэтага магчымага і, на мой погляд, вельмі неабходнага перамоўнага працэсу. Мы пра гэта казалі. Казалі пра тое, што Расея магла б зрабіць для таго, каб забяспечыць гэты працэс. А нейкіх умоў мы, Расея, не выстаўлялі. Мы не можам гэта рабіць, не маем на гэта ніякага права. Гэта справа самой Украіны, гэта справа Данецку, Луганску».

{movie}Пятро Парашэнка пра вынікі перамоваў з Пуціным|right|18109{/movie}

У выніку двухгадзіннай сустрэчы быў дасягнуты шэраг дамоўленасцяў: лідары дамовіліся аб вызваленні закладнікаў і пра пачатак кансультацый аб закрыцці мяжы.

Прысутная на сустрэчы кіраўнік дыпламатыі Еўразвязу Кэтрын Эштан сказала па выніках сустрэчы, што размова атрымалася шчырая, але пазітыўная.

ДР, belsat.eu паводле bbc.co.uk

Глядзі таксама
Каментары