20-цалёвая прылада на імя Тай Шы запраграмаваная такім чынам, каб прыцягваць увагу адзінаццацігадовага Марка. Робат таксама адсочвае эмоцыі хлопчыка, які з задавальненнем гуляецца з ім.
Гэткі новы панятак, як робататэрапія, імаверна, хутка стане настолькі ж звычайным, як і іншыя медычныя тэрміны. Італьянскія даследнікі з гораду Лечэ пачалі выкарыстоўваць сацыяльных робатаў, пакліканых дапамагчы дзецям з аўтызмам.
{movie}Dэвайс: У Італіі прыдумалі робататэрапеўта для хворых аўтызмам |right|17865{/movie}
Джузэпэ Палестра, галоўны інжынер:
«Робат утрымлівае і запісвае серыю інфармацыі ды паказнікаў, напрыклад, колькі разоў дзіця заплюшчыла вочы робата, як доўга смяецца ды шмат іншых тыпаў звестак. Інфармацыю, якую тэрапеўт не можа памятаць і адсочваць, ён можа лёгка атрымаць з дапамогаю камп’ютарызаванай сістэмы».
Паводле псіхолагаў, плюс робата – у тым, што дзеці не ўспрымаюць яго як жывую істоту і цалкам раскрываюцца ў яго кампаніі. Цяпер навукоўцы імкнуцца развіваць інтэлектуальныя мажлівасці прылады, якая ў будучыні зможа браць на сябе больш неабходных сацыяльных функцыяў.
Іншыя тэмы: касмічныя планы NASA, чып з чалавечаю архітэктураю, гіпэрлэпс-відэа ў праграме «Дэвайс» – апошнія навіны з сусвету высокіх тэхналогіяў, вынаходніцтваў ды інавацыйных даследаванняў.
КС, belsat.eu