На пытанне, што рабіць з «тэрарыстамі на Усходзе» Украіны, Лукашэнка адказаў, што тых, тэрарыстаў, якія знішчаюць, трэба знішчаць, падало агенцтва БелаПАН, спаслаўшыся на vesti.ua. «Але спачатку разбярыцеся, хто тэрарыст. А то пазабіваеце сваіх», — сказаў кіраўнік Беларусі.
На пытанне, ці гатовы ён сам стаць міратворцам, Лукашэнка адзначыў: «Не, я ненавіджу міратворцаў і іх перамоўнікаў. Нагадаю, што вы размаўляеце цяпер з галоўным дыктатарам Еўропы», — сказаў кіраўнік Беларусі.
У лідара беларускай дзяржавы таксама пацікавіліся, ці наведае ён Майдан, на што Лукашэнка адказаў, што яго туды не запрашалі і ісці туды ён не планаваў. «А да майго наступнага прыезду вы самі не вытрымаеце і прыбераце яго», — сказаў кіраўнік беларускай дзяржавы. «Калі там будзе ўстаноўлены помнік загінулым, і мяне запросяць на яго адкрыццё, я абавязкова прыму запрашэнне», — дадаў ён.
Таксама Лукашэнка адзначыў, што на мяжы Беларусі і Украіны няма ніякіх войскаў, і размяшчацца яны не будуць. «Нам з украінцамі дзяліць няма чаго. Мы браты», — скончыў сваю сустрэчу кіраўнік беларускай дзяржавы.
