Калі вы збіраецеся трапіць у Еўропу праз беларускую-польскую мяжу, везяце з сабой тавар або прадукт, увоз якога ў ЕЗ можа быць абмежаваны, ці трапілі ў непрыемную сітуацыю з візамі і дакументамі, то вам варта прачытаць нашыя парады.
Па-першае, калі ўзнікаюць нейкія канфліктныя сітуацыі з польскімі памежнікамі ці мытнікамі, заўсёды звяртайцеся да кіраўнікоў зменаў, якія правяраюць вашыя дакументы і рэчы.
Па-другое, калі канфлікт нявычарпаны, то ў вас ёсць магчымасць напісаць скаргу. Тэарэтычна вы можаце паскардзіцца на беларускай, расейскай, польскай і англійскай мове.
Пасля падачы скаргі вам мусяць даць яе арыгінал з пячаткаю (копія застаецца ў памежнікаў). Адказ на вашую скаргу вы атрымаеце цягам двух дзён.
Апроч таго, вы можаце сустрэцца з камендантам памежнікаў або кіраўніком мытні. На жаль, зрабіць гэта можна толькі з 7:15 да 15:15 (паводле мясцовага часу). Звычайна пасля такой размовы скарга разглядаецца неадкладна.
Калі ж вы мінаеце беларуска-польскую мяжу, напрыклад, а 6 (паводле польскага часу) ці пасля 15:15, то варта патэлефанаваць дзяжурнаму (ягоны нумар звычайна на дзвярах ці вокнах службовых памяшканняў мытнікаў і памежнікаў).
Колькі цыгарэт і алкаголю можна правозіць у ЕЗ?
Наземнымі відамі транспарту з вызваленнем ад мыта можна правозіць тавараў на суму не больш за € 300.
Тытунёвыя вырабы
Цыгарэты – 40 шт., або
Цыгарылы – 20 шт., або
Цыгары – 10 шт., або
Тытунь – 50 г.
Алкагольныя напоі
Алкаголь крэпасцю звыш 22 % – 1 л, або
Алкаголь крэпасцю менш за 22 % – 2 л, або
Нешыпучыя віны – 4 л,
Піва – 16 л.
Лекі можна правозіць толькі ў выпадку, калі яны для асабістага спажывання і не перавышаюць 5 пачак.
Паліва
Поўны бензабак і дадаткова можна правезці каністру, аб’ём якой не перавышае 10 л.
ЮВ, KR паводле białorus.pl