На Алімпійскія гульні ў Сочы не прайшла нашая зборная па хакеі. «Але ёсць спадзяванні на іншыя медалі, напрыклад, на выступ Дар’і Домрачавай. Несумненна, яшчэ маем надзеі на фрыстайл – нашыя «ветэраны» Дашчынскі і Грышын могуць трапіць на п’едэстал, а таксама падае надзеі малады спартовец Гусцік», – кажа Дзмітрый Сухановіч.
Яшчэ адзін «ветэран» – лыжнік Сяргей Далідовіч. «Але ён ужо бегае толькі марафонскія дыстанцыі, а там – вельмі высокая канкурэнцыя, таму цяжка прагназаваць, якім будзе вынік», – дадаў адмысловец.
Што да агульнай сітуацыі, у якой апынуўся беларускі спорт, госць «Студыі «Белсат» адзначыў, што нядаўна пабудавалі манеж, куды прыязджаюць нават з-за мяжы на трэнінгі. «Але што да перспектываў і маладога пакалення… іх адзін-два і ўсё», – падкрэсліў Дзмітрый Сухановіч.
МЛ, belsat.eu
