250-годдзе з дня нараджэння Агінскага пачалі святкаваць за два гады


Праграму з прысвячэннем Міхалу Клеафасу Агінскаму прэзентавалі ў Беларускай дзяржаўнай філармоніі. Назву ёй даў трактат «Лісты пра музыку», які аўтар славутага паланезу напісаў паводле ўражанняў ад сваіх музычных вандровак.
{movie}250-годдзе з дня нараджэння Агінскага пачалі святкаваць за два гады |right|13011{/movie}
ВІКТАР СКОРАБАГАТАЎ, ЗАСЛУЖАНЫ АРТЫСТ БЕЛАРУСІ, АЎТАР ПРАГРАМЫ «ЛІСТЫ ПРА МУЗЫКУ»: «Мы паспрабавалі ўзнавіць тое асяроддзе, тую эпоху, тое адчуванне мастацтва, якое мелі тагачасныя двары, пры якіх ён звычайна выступаў як музыка».

«Лісты пра музыку» загучалі дзякуючы ансамблю салістаў «Класік-авангард», да якога на час канцэрту далучыўся флейтыст з Польшчы Эдвард Сыцянка. Акром твораў самога Агінскага ў яе ўвайшлі кампазіцыі іншых знаных асобаў.

УЛАДЗІМІР БАЙДАЎ, КІРАЎНІК АНСАМБЛЮ «КЛАСІК-АВАНГАРД»: «Мы гралі творы ўсіх асобаў, з якімі ён сустракаўся. Адкрылі «Лісты пра музыку» і ўважліва чыталі: там згадваецца пра Гайдна – вось быў Гайдн, быў Моцарт, быў Ромбэрг, быў Гуміль. З усімі, з кім ён меў стасункі, мы ўсіх прэзентавалі ў канцэрце».

Прэм’ера праграмы з прысвячэннем Агінскаму выклікала вялікі інтарэс – зала была поўная. Фактычна з гэтага канцэрту пачалося рыхтаванне да маштабных святкаванняў, запланаваных у 2015-м да 250-годдзя беларуска-польскага кампазітара.

Іншыя тэмы: У Горадні адкрылася выстава фатографа-іхтыёлага Юрыя Палуцкага. У рэпетыцыйнай зале Купалаўскага тэатру прэзентавалі пераклад на беларускую камедыяў графа Аляксандра Фрэдры. Гурт «Hurma» зняў ды паказаў дэбютны кліп.
{movie}”Агляд падзеяў культуры” (23.10.2013)|right|13010{/movie}
Сяргей Будкін, Адэля Дубавец, «Навіны культуры», belsat.eu
https://youtu.be/Jjpv05LoBd8
https://youtu.be/g0trC9PPdLI

Глядзі таксама
Каментары