На ўрачыстым святкаванні Дня волі ў Варшаве выступіў старшыня Кансерватыўна-Хрысціянскай Партыі БНФ Зянон Пазняк.
На мітынгу, які адбыўся пасля маршу цэнтральнымі вуліцамі Варшавы, палітык падкрэсліў лучнасць сёлетняга Дня Волі са справаю нашых продкаў, якія па-геройску змагаліся за беларушчыну. “Нішто не знішчыць подзвігу нашых бацькоў і дзядоў… Каб не было тых людзей, якія ахвяравалі сваймі жыццямі, ці былі б мы тут з вамі з нацыянальнымі сцягамі? Ды гэтых сцягоў, пэўна б, не было…” – падкрэсліў старшыня КХП-БНФ.
{movie}Зянон Пазняк да Дня Волі-2013 |right|9857{/movie}
Паводле Зянона Пазняка, Дзень Волі стаў сакральным святам, якое мусяць ведаць усе беларусы і якое павінна кансалідаваць усіх, незалежна ад рознага кшталту падзелаў на ўзор продкаў беларусаў, якія нават пад нямецкай акупацыяй змаглі дамовіцца пра ўтварэнне незалежнай Беларускай Народнай Рэспублікі.
Максім Ярашэвіч, belsat.eu