Актывісты просяць прыцягнуць да адказнасці вінаватых у знішчэнні зялёнай зоны чыноўнікаў ды «не ўрывацца на азялененую тэрыторыю гораду, і пакінуць права на жыццё і здароўе».
Паводле абаронцаў парку, гарадскія ўлады абяцалі пашырыць паркавую зону ў горадзе ў якасці кампенсацыі высечкі часткі парку 40-годдзя Кастрычніцкай рэвалюцыі. Але за год гэтых абяцанняў у поўным аб’ёме не выканалі.
«Адбываецца далейшае знішчэнне парку. Кампенсацыйныя пасадкі, якія зрабілі замест вырваных дрэваў, ізноў выкопваюць. Дзяржаўныя сродкі разбазарваюцца. Тыя ж людзі, што саджалі дрэвы, цяпер іх вырываюць», – пішуць абаронцы парку.
Высяканне парку 40-годдзя Кастрычніцкай рэвалюцыі пачалося летась у сувязі з будаўніцтвам гатэльнага комплексу «Пекін». Праект прадугледжваў знішчэнне больш як 300 дрэваў і забудаванне прыблізна 70 % тэрыторыі парку.
М.Л., belsat.eu
