Зміцер Бародка: Зноў пачынаецца гандаль Захаду з Лукашэнкам


https://youtu.be/qY0Ak5bHOrw
Спроба змусіць Мікалая Статкевіча напісаць прашэнне аб памілаванні вынікае з сур’ёзных праблемаў у беларускай эканоміцы, лічыць грамадскі актывіст Зміцер Бародка.

Паводле дзеяча, беларуская гаспадарка перажывае значны крызіс і не мае ніякіх перспектываў развіцця. «Адсюль Беларусь пачынае перамовы з Сусветнаю гандлёвай арганізацыяй наконт магчымасці ўступлення. Для гэтага ўлады Беларусі мусяць выпусціць палітвязняў, а Мікола Статкевіч – адна са знакавых асобаў», – адзначыў Бародка.

{movie}Зміцер Бародка ў “Гарачым каментары” |right|8601{/movie}

На думку грамадскага актывіста, зноў пачынаецца працэс гандлю паміж Захадам і Лукашэнкам. І хоць Захад разумее, што Лукашэнка не пойдзе на сур’ёзныя змены, аднак не перастане гандлявацца. Бародка падкрэсліў: заходнія краіны супрацоўнічаюць з рэжымам Лукашэнкі ў выніку магутнага лобі беларускага лідара ў Еўропе. «Лукашэнка ўкладае вялікія грошы ў адмыванне вобразу Беларусі і будаванне яе пазітыўнага іміджу», – мяркуе Бародка.

На ягоную думку, кіраўнік Беларусі імкнецца захаваць добры твар перад сусветнаю супольнасцю. Адзін са спосабаў – вызваліць палітвязняў, але толькі тады, калі яны самі напішуць прашэнні аб памілаванні.

Максім Ярашэвіч, belsat.eu

Глядзі таксама
Каментары