Эвакуацыя палестынцаў з анклаву і вайсковая тэхніка Цагалю ў Газе. Фатаграфіі тыдня

Сапёры Збройных сілаў Украіны абследуюць тэрыторыю на наяўнасць мінаў і неразарваных снарадаў пад Херсонам, Украіна. 9 лістапада 2023 года.

Людзі фатаграфуюцца з трупам самца кітовай акулы даўжынёй каля 10 метраў і вагой 1,5 тоны, які выкінула на пляж Гаронган (Garongan) у правінцыі Ёґ’якарта (Yogyakarta), Інданезія. 9 лістапада 2023 года.

Армія абароны Ізраілю прасоўваецца ўглыб Газы падчас наземнай аперацыі. Палестынская аўтаномія, 8 лістапада 2023 года.

Ізраільскі афіцэр праходзіць міма палестынца-мусульманіна, які ў пятніцу апоўдні моліца ў палестынскім раёне ва Усходнім Іерусаліме, Ізраіль. 10 лістапада 2023 года.

Тысячы палестынцаў эвакуююцца на поўдзень Газы па галоўнай дарозе Салях-эд-Дын (Salah al-Din), якая праходзіць праз усю тэрыторыю Газы, спрабуючы пакінуць найбольш небяспечныя часткі анклава, пасля заклікаў Арміі абароны Ізраілю аб эвакуацыі. Сектар Газа, Палестынская аўтаномія.

Людзі назіраюць за паўночным ззяннем над мястэчкам Гамар (Hamar) у Нарвегіі. 7 лістапада 2023 года.

Падтопленыя жылыя дамы бачныя ў французскай камуне Ля-Калётры (La Caloterie), пацярпелай ад магутных залеваў. У дэпартаменце Па-дэ-Кале (Pas-de-Calais) другі раз за тыдзень быў аб’яўлены чырвоны ўзровень трывогі. Ля-Калётры, Францыя. 7 лістапада 2023 года.