З архітэктурнага факультэту БНТУ звольнілі выкладчыка Міхаіла Гуліна.
Падставаю для звальнення стаўся ягоны мастацкі праект «Прыватны манумент», падчас рэалізацыі якога на Кастрычніцкай плошчы аўтара затрымалі.{movie}З БНТУ звольнілі выкладчыка Міхаіла Гуліна|left|6949{/movie}
Міхаіл Гулін на менскіх пляцах складаў з трох ружовых кубікаў і жоўтага паралелепіпеда розныя фігуры. Творчы эксперымент, які падтрымліваў Інстытут Гётэ ў Беларусі, мастак прэзентаваў на плошчах Незалежнасці, Калініна і Якуба Коласа. Хоць творца сцвярджаў, што ягоная акцыя не мела ніякага палітычнага падтэксту, кіраўніцтва факультэту палічыла інакш.
“Падчас затрымання я спадзяваўся, што розум пераможа, перапішуць пашпартныя звесткі ды адпусцяць”, – паведаміў мастак. Аднак на 22 і 26 кастрычніка над удзельнікамі мастацкага праекту адбудуцца суды.
Дагэтуль Міхаіл Гулін працаваў старэйшым выкладчыкам кафедры «Малюнак, жывапіс і скульптура» ў Беларускім нацыянальным тэхнічным універсітэце.
belsat.eu
