Сяргей Чыгрын быў вызвалены з ізалятару, адбыўшы за кратамі 22 дні адміністрацыйнага арышту, паведамляе Беларуская асацыяцыя журналістаў (БАЖ).
Журналіста, паэта і літаратуразнаўцу Сяргея Чыгрына затрымалі 16 снежня 2022 года. Яго вінавацілі ў распаўсюдзе «экстрэмісцкіх матэрыялаў» (перапосты ў сацсетках). Але калегі Чыгрына звязвалі арышт з ягонай ранейшай працай у недзяржаўных СМІ.
Суд Слонімскага раёну прызнаў Сяргея Чыгрына вінаватым і прысудзіў яму 7 содняў адміністрацыйнага арышту. На свабоду паэт мусіў выйсці 23 снежня, але не выйшаў – яму дадаткова прысудзілі яшчэ 15 содняў няволі. 8 студзеня стала вядома, што ён на свабодзе.
Сяргей Чыгрын да апошняга працаваў загадчыкам літаратурнай часткі Слонімскага драматычнага тэатру, але пасля затрымання і суду кіраўніцтва ўстановы яго звольніла.
На 8 студзеня ў Беларусі прызнаныя палітычнымі вязнямі 1441 чалавек.
Зміцер Міраш belsat.eu
