Аляксандр Лукашэнка падпісаў закон, які карэктуе пытанні дзейнасці рэлігійных арганізацый, таксама іх чакае перарэгістрацыя. Аб гэтым паведамляе яго прэс-служба.
Перарэгістрацыя рэлігійных арганізацый павінна прайсці на працягу года пасля ўступлення ў сілу закону.
Цяпер, каб зарэгістраваць рэспубліканскае рэлігійнае аб’яднанне, трэба будзе мець у яго складзе рэлігійныя абшчыны, якія дзейнічаюць ва ўсіх вобласцях і ў Менску. Таксама павялічана і колькасць абшчын неабходных для стварэння абʼяднання агульнадзяржаўнага ўзроўню.
Папраўкамі прадугледжваецца і магчымасць стварэння рэлігійных арганізацый структур па аказанні сацыяльных паслуг.
За 30 гадоў у Беларусі змяніліся канфесійны склад. Па колькасці росту прыходаў пратэстанцкія канфесіі аказаліся ў лідарах.
Ася Саковіч, belsat.eu
