Кіраўніка Салігорскага раёну Алега Паскробку, які быў затрыманы 17 чэрвеня як падазраваны ў лабіяванні ды атрыманні незаконнага ўзнагароджання 2000 еўраў, адпусцілі пад хатні арышт.
Чыноўнік правёў у менскім ізалятары часовага ўтрымання на Акрэсціна трое сутак, пасля чаго да яго была ўжытая іншая захада стрымання, паведамляе TUT.by.
Алегу Паскробку забаронена выходзіць з дому, карыстацца тэлефонам, інтэрнэтам, прымаць гасцей.
Аляксандр Лукашэнка прызначыў яго на гэтую пасаду ў жніўні 2017 года. Да гэтага Паскробка з 2015 года працаваў першым намеснікам міністра жыллёва-камунальнай гаспадаркі Беларусі.
Старшыню Салігорскага райвыканкаму вінавацяць у лабіяванні інтарэсаў замежнага бізнесу падчас працы на пасадзе першага намесніка міністра. Яму пагражае да 10 гадоў пазбаўлення волі.
МГ belsat.eu
