У футбаліста падазрэнне на каронавірус. «Менск» адмяніў усе трэнаванні

Футбалісты «Менску». Фота: fcminsk.by

У аднаго з гульцоў футбольнага клубу «Менск» ёсць падазрэнні на каронавірус. Пра гэта паведамляе «Прессбол».

«На жаль, у аднаго з гульцоў з’явіліся падазрэнні на каронавірус. Яго стан нармальна, але ёсць сімптомы. Таму зроблены тэст, чакаем выніку», – заявіў кіраўнік ФК «Менск» Ігар Шлойда.

Паводле яго, пакуль усе трэнаванні каманды адмененыя. На 11 траўня запланаванае абследаванне ўсіх, хто мае дачыненне да галоўнай каманды.

У Беларусі адмянілі матч першай лігі, бо ў аднаго з футбалістаў падазрэнне на каронавірус

Напярэдадні ююро выканаўчага камітэту асацыяцыі «Беларуская федэрацыя футбола» прыняла рашэнне аб пераносе матчу 4-га тура першай лігі паміж клубамі «Гомель» і дзяржынскі «Арсенал».

Гульня мусіла адбыцца ў Гомлі на стадыёне «Цэнтральны» 10 траўня ў 17:00. Але кіраўніцтва футбольнай федэрацыі вырашыла перанесці матч на больш позні тэрмін.

Праз каронавірус палова гульцоў ФК «Івацэвічы» не паехалі ў Баранавічы. У выніку каманда прайграла 1:9

Гэтае рашэнне прынятае ў сувязі з тым, што ў аднаго з футбалістаў дзяржынскага «Арсенала» падазрэнне на наяўнасць віруса COVID-19.

МГ belsat.eu

Hавiны