У Беларусі зарэгістравалі 76 выпадкаў каронавіруса

Паводле Міністэрства аховы здароўя, 15 пацыентаў ужо выпісалі з медычных установаў, яшчэ 61 асоба знаходзіцца ў больніцах.

«На сённяшні дзень 15 пацыентаў, у якіх тэст даў станоўчы вынік, ужо вылечаныя і выпісаныя з медычных установаў. Яшчэ 61 пацыент знаходзіцца ў шпіталях пад пастаянным медычным кантролем і на лячэнні. Частка з пацыентаў гэтай катэгорыі пасля праходжання лячэння ўжо атрымалі адмоўныя тэсты і рыхтуюцца да выпіскі. Плануецца, што яна адбудзецца на пачатку наступнага тыдня», – паведаміла ведамства ў афіцыйным Telegram-канале.

З 23 студзеня 2020 года Беларусі зроблена больш за 20 тыс. тэстаў на каронавірус.

20 сакавіка паведамлялася, што за тры тыдні з моманту выяўлення першага пацыента ў Беларусі зафіксавалі 69 выпадкаў заражэння.

Міністэрства здароўя: Жанчына ў Віцебску памерла не ад каронавіруса

ЮВ/ДД belsat.eu

Падпісвайся на telegram Белсату

Hавiны