Кіраўніцтва дэпартаменту па авіяцыі Мінтрансу Беларусі разглядае магчымасць зʼяўлення ў нашай краіне лоўкост-кірункаў за кошт «Белавія». Выключэннем з’яўляецца пагадненне з авіяцыйнымі ўладамі Вугоршчыны па выкананні палётаў авіякампаніяй Wizz Air.
Паводле словаў дырэктара дэпартамента па авіяцыі Арцёма Сікорскага, у Беларусі варта развіваць лоўкост-маршруты перш за ўсё за кошт нацыянальнага авіяперавозніка, паведамляе TUT.by.
«Лоўкост-кампаніі запатрабуюць пэўных субсідыяў. Гэта эканамічная рэальнасць. Чаму мы павінны субсідаваць замежныя кампаніі, і даваць грошы камусьці, калі можам субсідаваць свайго перавозніка і стварыць такую эканамічную рэальнасць, пры якой авіякампанія зможа прапанаваць лоўкост-тарыфы? Вось наша пазіцыя», – сказаў Арцём Сікорскі.
На сёння «Белавія» прапануе бадай адзіны лоўкост-маршрут – у маскоўскі аэрапорт Жукоўскі. Але пакуль дзяржава не мае сродкаў для субсідавання і падтрымання авіякампаніі. Таму, выказаў меркаванне Арцём Сікорскі, варта спадзявацца на зʼяўленне лоўкост-тарыфаў, але чакаць, што неўзабаве зʼявіцца магчымасць танна лётаць з Менску па ўсім свеце, пакуль не выпадае.
СК belsat.eu
