Назіральнікі СНД за парламенцкімі выбарамі ў Беларусі распачнуць працу з 4 верасня

«Плануецца, што афіцыйна праца місіі пачнецца 4 верасня», – цытуе словы Віктара Гумінскага interfax.

Пры гэтым ён адзначыў, што штаб місіі ўжо разгорнуты. Доўгатэрміновае назіранне за парламенцкай кампаніяй ад місіі СНД будуць весці 50 асобаў.

У адрозненні ад міжнародных назіральнікаў і грамадзянскіх актывістаў, місія назіральнікаў СНД лічыць, што выбары ў нашай краіне адбываюцца без парушэнняў і ставіць высокія адзнакі ЦВК Беларусі. З гэтым катэгарычна не пагаджаюцца незалежныя эксперты.

Парламенцкія выбары ў нашай краіне пройдуць у лістападзе сёлета. Вылучэнне кандыдатаў у дэпутаты завяршаецца 7 кастрычніка, на рэгістрацыю адводзіцца дзесяць дзён. То бок, перадвыбарчая агітацыя пачнецца пасля 17 кастрычніка.

Выбары прэзідэнта павінны прайсці не пазней за жнівень 2020 году.

СК belsat.eu