Урад Сірыі і курды заключылі дамову, паводле якой яны разам будуць супрацьстаяць турэцкай вайсковай аперацыі «Крыніца міру». Пра гэта паведамляе «Аль-Джазіра» са спасылкай на заяву курдскай аўтаномнай адміністрацыі.
Паводле СМІ ўрад Сірыі згодна з дамовай ужо накіраваў свае войскі на поўнач краіны. У сваю чаргу курды адкрылі ўсе блокпасты, прапускаючы войскі.
У сваю чаргу вайскоўцы ЗША, які знаходзяцца ў Сірыі, апынуліся заціснутыя паміж турэцкім войскамі і сірыйская армія, заявіў кіраўнік Пентагона Марк Эспер у эфіры тэлеканала Fox News.
Мэта турэцкага наступу – ачысціць ад курдскіх вайсковых фармаванняў, якія Анкара называе тэрарыстамі, 35-кіламетровую памежную зону. Туды Турцыя збіраецца перасяліць частку арабскіх уцекачоў з Сірыі. Курды перакідаюць на поўнач свае сілы з цэнтру краіны, дзе яны супрацьстаяць Башару Асаду і рэшткам гэтак званай «Ісламскай дзяржавы».
СК belsat.eu
