За мінулыя содні ў маскоўскай Камунарцы, куды змяшчаюць хворых на каронавірус, памерлі два пацыенты, паведаміў у Facebook’у галоўны лекар больніцы Дзяніс Працэнка.
У аднаго з памерлых быў пацверджаны каронавірус. Пацыент быў сталага веку – 80 гадоў. У другога памерлага (69 гадоў) было падазрэнне на COVID-19. Нябожчыкі мелі букет хранічных захворванняў. У больніцы іх падключалі да апаратаў штучнай вентыляцыі лёгкіх.
Цяпер у Камунарцы знаходзяцца 348 чалавек, у тым ліку 78 з пацверджаным дыягназам «каронавірусная інфекцыя» і 115 з падазрэннем на каронавірус.
Па стане на раніцу 30 сакавіка ў Расеі зарэгістравалі 1836 выпадкаў заражэння каронавірусам. COVID-19 забіў у Расеі 12 асобаў.
ЮВ belsat.eu