На сумеснай сустрэчы ў Санкт-Пецярбургу 29 снежня Лукашэнка і Пуцін пацвердзілі планы аб правядзенні сумесных вайсковых вучэнняў на тэрыторыі Беларусі ў 2022 годзе, перадае прэс-служба Лукашэнкі.
Ініцыятарам правядзення сумесных вучэнняў выступіў Лукашэнка, сказаўшы, што гэта пойдзе на карысць беларуска-расейскім адносінам.
«Вы мяне заўсёды падтрымлівалі ў гэтым плане. Я вось звярнуўся да вас, каб мы не спынялі нашыя сумесныя вучэнні. Каб мы працягнулі стварэнне цэнтраў па навучанні нашых хлопцаў, найперш новым узорам ваеннай тэхнікі, якую мы ў Расеі закупляем. Мы гэта робім», – сказаў Лукашэнка.
У адказ на гэта Пуцін заявіў, што вучэнні могуць адбыцца ў лютым-сакавіку.
«Як вы і прапанавалі, мы правядзем у пачатку года. Там вайскоўцы ўзгодняць. У сакавіку-лютым. Не ведаю, калі яны вырашаць», – сказаў Пуцін.
АД, belsat.eu