29 лістапада ў Беларусі чакаецца моцны снег і завіруха. Сіноптыкі абвесцілі штармавое папярэджанне.
За няпоўны тыдзень надвор’е ў Беларусі прынесла нямала турботаў: быў і снегапад, і моцны парывісты вецер, і галалёдзіца. Сіноптыкі выпісалі за гэты час некалькі штармавых папярэджанняў. Праз умовы надвор’я здарылася некалькі буйных ДТЗ, у сотнях паселішчаў адключалася электрычнасць, транспарт у Менску стаяў у 10-бальных заторах.
На заўтра Белгідрамет зноў выпусціў штармавое папярэджанне. Уначы на поўдні краіны, а раніцою і ўдзень – на большай частцы тэрыторыі прагназуецца моцны снег, мокры снег, завіруха. Вецер будзе сягаць 20 метраў за секунду.
У МНС не выключылі, што зноў будзе парушацца электразабеспячэнне, рух транспарту ўскладніцца і вырасце колькасць ДТЗ.
Сцяпан Кубік belsat.eu