Самая вялікая кантрабанда ў Іспаніі ды абрушэнне мосту ў Індыі. Галоўныя здымкі тыдня

Жанчына ў традыцыйным украінскім адзенні пазуе перад знішчанаю расейскаю бранятэхнікаю, выстаўленай на Хрэшчатыку ў Дзень незалежнасці Украіны. Кіеў, Украіна. Фота: Roman Pilipey / AFP / East News

Валанцёр нясе абраз з манастыра на фоне ляснога пажару ў Арханэсе (Archanes), Грэцыя. Фота: Angelos Tzortzinis / AFP / East News

ДЛЯ ПАЎТОРНАГА ВЫКАРЫСТАННЯ ЗНОЎ СПАМПАВАЦЬ З EAST NEWS! Мужчына студзіць вадою з фантана свайго сабаку падчас спёкі, тэмпература – да 37 °C. Рым, Італія. Фота: Gregorio Borgia / AP Photo / East News

Фермер цягне жывёліну на ўзвышша ў затопленай акрузе Вэгары (Vehari) ў Пакістане. Каля 100 тысячаў чалавек былі эвакуяваныя з затопленых вёсак пасля разліву ракі Сатледж (Sutlej) у правінцыі Пэнджаб, Пакістан. Фота: Shahid Saeed Mirza / AFP / East News

Супрацоўнікі нацыянальнай паліцыі і мытні Іспаніі аглядаюць пакеты з какаінам агульнаю вагою 9,5 тоні, знойдзеныя ў рэфрыжэратарным кантэйнеры з Эквадору. Падчас прэс-канферэнцыі ў порце Альхэсірасу (Algeciras)заявілі, што гэта была самая вялікая на сёння канфіскацыя какаіну ў Іспаніі. Альхэсірас, Іспанія. Фота: Jorge Guerrero / AFP / East News

Валанцёры ратуюць авечак з фермы ў агні падчас ляснога пажару ў вёсцы Хасія (Chasia) недалёка ад Афінаў, Грэцыя. Фота: Angelos Tzortzinis / AFP / East News

Удар маланкі па будынку гадзіннікавай вежы Меккі ў Саудаўскай Аравіі. Фота: Hammad Al-Huthali / AFP / East News

Рабочыя фіксуюць ізаляцыйную плёнку, якая пакрывае частку ледавіка Рона (Rhone), каб перадухіліць яго раставанне ў Швейцарыі. Фота: Fabrice Coffrini / AFP / East News

Цырымонія ўзняцця дзяржаўнага ўкраінскага сцяга ў Кіеве, Украіна. Фота: Office of the President of Ukraine / Cover Images / East News

У выніку абвальвання чыгуначнага мосту, які будавалі на паўночным усходзе Індыі, загінулі прынамсі 26 чалавек і яшчэ некалькі лічацца зніклымі без вестак. Сайранг (Sairang), Індыя. Фота: AFP / East News